Loading
Powered by Iraqi Platform
من نصمم، ما نهتم بس بالشكل، الأهم عدنا هو شلون المستخدم يرتاح وهو يشتغل ببرنامجك أو موقعك. تخيلنا مثل المهندسين اللي يرتبون خريطة بيتك؛ ندرس زبونك شنو يحب وشلون يفكر، حتى نسويله واجهة سهلة و سريعة. بعد ماكو شي اسمه "وين أدوس؟" أو "البرنامج معقد"، نركز على تجربة تخلي المستخدم يرجعلك مرة ثانية. شنو راح تستلم: دراسة للسوق ولزبائنك، ترتيب منطقي لخطوات البرنامج، وتصميم عصري وراقي يعكس قيمة شغلك.
بمجال الأكل، الزبون ما يحب الانتظار والغلطة بالطلب معناها خسارة. إحنا نوفرلك أنظمة تخلي الطلب يوصل للمطبخ بلمحة بصر، وتخليك مسيطر على مخازنك وأرباحك وأنت بمكانك، حتى لو عندك أكثر من فرع. نظام الكاشير والطلبات: نظام سهل وسريع يدعم اللمس، يخلي الموظف ياخذ الطلب ويطلع الوصل بثواني، ويدعم كل أنواع الدفع. شاشات المطبخ الذكية: عوف الكواغد واللغوة.. الطلب يظهر بشاشة المطبخ فوراً، والطباخ بس يخلصه يضغط زر حتى يوصل خبر للويتر. إدارة المخزن والمواد: النظام يحسبلك شكد استهلكت مواد (مثل اللحم، الطحين، الخ) وينبهك قبل ما تخلص المادة، حتى ما تتفاجئ بنص الشغل. الطلب أونلاين والتوصيل: نربط مطعمك بتطبيقات التوصيل المعروفة، أو نسويلك موقع خاص بيك يخلي الزبون يطلب وهو ببيته والطلب ينزل مباشرة بالكاشير.
أتمتة العمليات اليومية وتقليل الاعتماد على المعاملات الورقية.
مزامنة البيانات تلقائياً لضمان استمرارية العمل عند انقطاع الشبكة.
حماية تامة لقواعد البيانات والمعلومات الحيوية لشركتك.
تواصل مع مهندسي سهلة للحصول على استشارة متكاملة وتصميم نظام رقمي مخصص يلائم متطلبات قطاع الأطعمة والمشروبات بدقة.
اطلب استشارة مجانية الآن